Syair Mayat : karangan Haji Pangeran Musa

SYAIR MAYAT....
(Pangeran Musa)

Alkisah tersebut suatu madah,
Tubuh lesu uratpun lamah,
Mahabarakan nyawa tatkala pindah,
Jangan lupa akan zikir Allah, 

Tiadalah kami babanyak kata,
Kabar sudah banyak di peta,
Sakadar ma'ambil simpun carita,
Istimewa di kitab segala pandita,

Talalu banyak kabar ibarat,
Pada manyatakan ikhwal kiamat,
Bacalah kitab kabar akhirat,
Qur'an wan Hadits punya riwayat,

Barang siapa tahukan iman,
Supaya sampai banama budiman,
Basungguhlah mangikut firman,
Dunia akhirat mandapat nyaman,

Tatkala disual Munkar wan Nankir,
I'tikatnya sah amalnya mahir,
Manjawab kada lagi bapikir,
Lidahnya fasih manyabut zikir,

Tiadalah sudah dikata,
Nang mati itu tunangan kita,
Ulih sakalian sidang pandita,
Wajib ingatkan dicita-cita, 

Barapa urang nang mulia-mulia,
Sakaliannya itu tinggallah dia,
Dari pada kakayaan harta dunia,
Kada tabawa ka sana dia, 

Siksa kubur talalu sangat,
Kada tasandang di badan umat,
Barapa lagi azab kiamat,
Handaklah lari masa akan dapat,,