SYAIR LIMBANGAN

SYAIR LIMBANGAN

Bismillah itu mulanya firman
Telah tersurat maknanya Qur’an
Terang di hati jatuh ke tangan
Dengan takdir nugraha Tuhan

Pahalanya sembahyang tiada kepalang
Sepuluh perkara yang terbilang
Kepada iman menjadi tiang
Lagi di akherat berat ditimbang

(Sunarti dkk, 1978:203)

Syair Tija Diwa karya Anang Mayur Babirik

SYAIR TIJA DIWA

Inilah mula syair dikarang
Ditulis di kertas wangkang
Ulih pambaca Adi dan Kakang
Syair Panglipur hati nang pusang

Tampatnya di kartas tipis
Kalam dan pina sagan manulis
Hati dan jantung rasa dihiris
Tunduk tingadah bapikir habis

Syair dikarang bukannya latah
Mandam bapikir tunduk tingadah
Hati pusang batambah-tambah
Mudahan sampai nang ditujulah

Mangarang syair barhati syair
Tampat karangnya di sungai ular
Bukannya pandaian atawa pandikar
Hanya mangarang sakadar-kadar

Mangarang syair sakadar-kadar
Tukang bacanya si urang buntar
Minahu kakabar inya baputar
Tampatnya itu di subarang pasar

Syair Tija Diwa ini namanya
Banyak tauladan kita rasanya
Riwayat bahari samuanya
Kita dangar sangat inginnya

Sakarang Tija Diwa bapasan
Barang siapa bersusah pikiran
Manganal ia kapada puhun kaluyunan
Harapakan diparhatiakan

Partama inya bapasan
Ruku timbaku minta tatapakan

Untuk hadirin sakalian
Supaya sanang nang mandangarakan

Kedua inya bapasan
Kapada hadirin nang sakalian
Waktu mambaca jangan bapapandiran
Patah sabilah minta diadakan

Kaampat lagi inya bapasan
Kapada puhun rumah punya gawian
Mambaca syair nang samalaman
Habis makan badaliakan

Mambaca syair sampai dinihari
Anim babunyi baganti-ganti
Tahu riwayat urang bahari
Mangandung tauladan banyak sakali

Cubalah dangan tamjidul gapur
Hatiku bulat sabagai talur
Mandangar syair bahati hancur
Pacahlah sakarang sungai bubur

Habislah sudah Tija Dewa bapasan
Air sacangkir minta adaakan
Untuk pambaca nang dipuhunakan
Sakarang hampir dimulaiakan

Satalah sudah nang damikian
Kita samua baampun-ampunan
Kalau ada salah parkataan
Haraplah sangat dikasihakan

Adapun akan syair ini
Parmulaan hilang tak dapat mancari
Tarsabut Ajar di batas giri
Anaknya dua orang sangat sakti

Nang lanang Puncara Rangin namanya
Gagah barani susah bandingnya
Di atas gunung itu tampatnya
Barsama dangan hamba sahaya

Anak Ajar kadua Purnama Sari
Siwa tarabang di awan tinggi
Rupanya iluk bukan tarpari
Susah bandingnya intiru nagarai

Tarsabut pula satu parkataan
Nini Randa nang disabutakan
Tampat badiam di dalam hutan
Baisi kabun bunga-bungaan

Adapun Tija Diwa
Kapada Rangda ia bakata
Adat niniku urang nang tuha
Cucu barhanti sudilah kira

Rangda manyahut balas kasihan
Kalau cucuku sudi naik turun
Galagar japuk garang junggatan
Hatapnya tiris lantainya patahan

Tija Diwa mamandang hiran
Kapada Rangda urang kasihan
Banyak bakabun bunga-bungaan
Kapul manggis langsat rambutan

Tija Diwa bamandi-mandi
Sambil bakata di dalam hati
Syukurlah aku datang ka mari
Di tangah padang hiwan manari

Tija Diwa dijamuakan
Ulih Rangda di dalam hutan
Makannya banyak bukan buatan
Karana parutnya nang kalaparan

Tija Diwa hiran tacangang
Malihat Rangda mangarang kambang
Satiap hari Rangda badagang
Jalannya jauh jalananya lajang

Tija Diwa bakata pulang
Kapada nini bunda saurang
Jadi satiap hari baulang-ulang
Rangda manyahut lindah kamujang

Tija Diwa baduduk di lawang
Mahadang nininya bajual kambang
Saurang tiada datang bailang

Tija Diwa turun mangarang bunga
Nini Rangda suka tiada takira
Rangda badagang sangat lakunya
Salama ada Tija Diwa di rumahnya

Rangda badagang laku sakali
Samua urang datang mambali
Siapa nini punya karangan ini
Karangannya urang bahari

Rangda bakata dangan palahan
Kapada Radin Muda Bangsawan
Lama bajalan di dalam hutan
Lakas cucu basuram badan

Ada sapalih urang kada parcaya
Mustilah nini ada pambantunya
Katanya Rangda nang sabanarnya
Tiada urang lain nang mangarangnya

Purnama Sari nang disabutakan
Mancium kambang tiada busan
Handak bajalan saurang badan
Ka rumah Rangda ka dalam hutan

Purnama Sari urang tabilang
Mahadap Ajar urang tabilang
Handak parmisi anakda ninguang
Ka rumah Rangda manukar kambang

Ajar manyahut dangan lastari
Aduh anakku intan biduri
Jangalah lama anakda pargi
Dua tiga jam musti kambali

Purnama Sari nang ma-inggihkan
Tiada lama ulun bajalan
Kalu datang anu Rangda kasian
Mambali bunga kambali badan

Purnama Sari turun bajalan
Saurang diri ka dalam hutan

Tiada saurang inya bataman
Hanya mambawa hati dandaman

Purnama Sari datang sakarang
Inya tarabang di awang-awang
Sampai di rumah Rangda tabilang
Purnama Sari mamanggil bukai lawang

Aduh niniku bukai lawang
Ulun datang bahati pusang
Rangda manyahut pada sakarang
Dangan siapa kawan bailang

Purnama Sari manyahut pari
Ulun bailang saurang diri
Tiada takut datang ka mari
Karana hatiku sangat birahi

Rangda malihat hatimya giris
Tuan Putri iluknya manis
Tuan putri tunduk manangis
Hati di dalam rasa dihiris

habar cucu datang ka mari
tiada bakawan saurang diri
Putri manyahut dangan lastari
Kapada Nini Rangda urang bahari

Jadi sudi datang ka mari
Mambali bunga ada sakaki
Bunganya harum sangatnya wangi
Rangda mamandang kanan dan kiri

Purnama Sari namanya putri
Manyahut kata dangan lastari
Kalau ulun tak suka diri
Tentu tiada datang ka mari

Tija Diwa mamandang hiran
Kapada putri muda bangsawan
Sama-sama tabaraung bajajanakan
Di dalam hatinya galugupan

Purnama Sari nang damikian
Dandaman birahi hati kasmaran
Malihat Tija Diwa urang andalan
Hati pusang tabalik nyaman

Tija Diwa manyahut warti
Syukurlah datang kasuma gusti
Nang baik rupa namng baik budi
Panjang tipis pamutus hati

Syukur datang kasuma gusti
Jika datang malah nang kusuluhi
Karena kakanda lama mananti
Barapa bulan barapa hari

Tija Diwa radin bang-bang
Dangan sagara bakata pulang
Apakah habar ratu mas datang
Lakas manyahut intan dikarang

Purnama sari manyahut saba
Basar gawi tuan adinda
Handak mambali bunga suganda
Mabuk kasmaran hati adinda

Bunga kaki nang harum wangi
Namanya itu panglipur hati
Hanyalah itu katuju hati
Mudahan lipur lara baganti

Radin bakata dengan segeranya
Adalah bunga sangat buruknya
Salagi pula tiada baunya
Tiada patut amas ampunnya

Jika bagus kiranya kambang
Tantu sadah dibali urang
Tiada ampunnya intang di karang
Banyaklah sudah urang nang datang

Tuan putri manyahut pula
Biarpun buruk itulah bunga
Hati adinda sangat inginnya
Biar tiada babau kubali juga

Jadi kambang tiada dibali urang
Karena puhun baru bakambang
Adinda mancium mabuk kapayang
Tiada kawa kagi mambuang

Tija Diwa radin pangiran
Hatinya mancium mabuk kapayang
Bakata manis kidung cumbuan
Diwa bapantun nang malipurkan

Bunga taratai namanya pantun
Karangan ulih orang kayangan
Batimbuk hati buah satahun
Guring sakijip nang kaganangan

Bunga kacubung dari halaman
Burung galatik hinggap di tuga
Mimpi sakurung bapapalukan
Panas dingin rasa badanku

Itulah pantun radin pangiran
Bunga pandan karangan tanjung
Jika dapat nang kutampaiakan
Kapada ratu mas tuah bauntung

Manyahut pantun intan parmata
Bunga suganda di dalam kuta
Lagi raja pandusta
Bunyinya habar carita

Manyahut radin bunga bangsawan
Ia bapantun baganti-gantian
Rangda mandangar sukalah badan
Bibir tabalik Rangda mandangarakan

Tija Diwa radinnya mantri
Badakat kapada tuannya putri
Dangan basagara mamigang jari
Aduh amas intan biduri

Jaliwadar jalan kandangan
Taman tiwarung dari halaman
Kalau sahibar bapapandangan
Guring sakurung makalah nyaman

Cih diriku untungnya malang
Banih ditanam tumbuh halalang
Ikam bapanggang batinggal tulang
Main batali disambar halang

kapal di laut ka banuaku
anak angsa mandi barandam
malakal maut ambil nyawaku
tiada kuasa manaruh dandaman

Radin mambujuk putri bangsawan
Ditinang-timang atas ribaan
Dipaluk cium amas tampawan
Karena hati sangan kasabaran

Aduh amas intan parmata
Kalau kiranya kakang badusta
Baik bunuh badan kakanda
Tikam lawan pipi nang kiwa

Putri bakata dangan palahan
Kakanda nang talanjur tangan
Sambil mangibit kiri wan kanan
Talalu gila kakanda tuan

Mambujuk pula radin mantri
Sambil mamaluk tuan putri
Mudahai tacarai diri
Mabuk kasmaran apalah ini

Radin itu putra bangsawan
Batamu hati kasmaran
Tamsil kapal dari lautan
Tiada tahanti nang malayarakan

Satalah sudah bahanti pari
Tija Diwa dan tuan putri
Batamu bacinta gati
Sakarang tiada tasabut lagi
(Syarifuddin R, 1994. Majalah Bandarmasih Banjarmasin)

Syair Tuhan Kasih Kapada Kita

SYAIR  TUHAN KASIH KAPADA KITA

 

Tuhan kasih kapada kita
Sasungguhnya gaib tiada nyata
Tiada malihat nang picak mata
Urang nang kanal mamandang nyata

Siapa malihat darajat diangkat
Dangan Tuhannya sungguh malihat
Mahabarakan tiada hingkat
Itulah urang nang banar-banar karamat

Cubalah rasa dilihat-lihat
Barasih hati janganlah rigat
Dikanal diri dangan hakikat
Pinandu diri tajalli zat

Kapada Tuhan handaklah kanal
Tarikat dzikir dibuat mudal
Jangan diturut hati nang babal
Supaya banyak babuah amal

Sumbahyang dzikir bukan balaku
Hakikat hatinya hanya Tuhanku
Sakalian pakarjaan tiada dikaku
Tuhan tajalli hilanglah aku

Urang nang malihat akan Tuhannya
Karena khusuk mata akalnya
Dangan nang picak mata hatinya
Tiada satunju urang kaduanya

Arti hakikat talalu pangar
Dicala urang tiada didangar
Bila difitnah hati pun sabar
Hakikat makrifat tak mau takitar

Masuk khalwat dzikir
Kapada Tuhan disuruh hampir
Kasap mamandang nang ghaib dzahir

Guru mursid dicari galih
Ulama dzahir mancari pakulih
Mamaham kitab alih ba-alih
Dangan nang banar biar salisih

(Sunarti dkk, 1978:205-206)

SYAIR GALUH KARUANG

SYAIR GALUH KARUANG

Tarsabut pula Bayang Bastari
Tunduk manangis di kursi sari
Tarcinta Karuang muda parlinti
Bayan bapangsar sabagai mati

Galuh Karuang kakasih cinta
Alis saparti tulisan pata
Sadang mancari sajagat nata
Karuang jua di mata-mata

Gundah hatinya batambah rawan
Bahampas-hampas di dalam paraduan
Pikirannya tiada lagi karuan
Tarcinta Karuang amas tampawan

Hatinya Bayan tiadalah sanang
Sabab tarcinta Galuh Karuang
Siang dan malam masih taganang
Rasanya tiada baumur panjang

Hatinya Bayan sudah taikat
Pada Karuang muda nang cakap
Biar babagai panawar ubat
Janganlah sanang batambah girat

Karana akan Galuh Karuang
Tatalu patut lawan dipandang
Parsis nangkaya bulang nang tarang
Matanya landap nangkaya bintang

Bahunya bidang pinggangnya laris
Anak rambutnya malanak wilis
Mukanya nangkaya bulan sahiris
Eluk majelis patut dipandang

Tangannya lantik bagai dikadang
Gulunya langgak laksana wayang
Sirih dimakan babayang-bayang
Cih-cih amas intan parimantan

Timbang apalah abdi nang lata
Rasanya hancur sagala anggota

Daripada sangat manaruh cinta
Bayan tiada karuan pikir wan rasa

Tarcinta untung kadangan takdir
Dibawa bajalan hulu dan hilir
Dangan air mata juga mangalir
Bajana Allah untung tuanku fakir

Baginilah juga balalawasan
Tarcinta Karuang muda parawan
Rasanya hilang nyawa di badan
Rasanya lunglai tulang bilulang

Rasanya hilang ruh sumangat
Lamah sagala tulang wan urat
Tarcinta Karuang Kasuma Ningrat
Payahlah diri jadi mudarat

Kalau bagini sapanjang-panjang
Diri rasanya tiada tasandang
Sangat tarcinta Galuh Karuang
Baiklah mati diriku garang

Cih-cih amas kasuma ratu
Sabagai bala rasa hatiku
Jika tiada supan wan malu
Pasti kubawa pada pangulu

Bayan Bacinta malam wan siang
Mudahan bajudu lawan Karuang
Tiada lama satumat barang
Sabab nin sudah tasambat urang

Ya Allah amas hatiku rindu
Sabagai amas dipandang pinandu
Manis saparti nangkaya madu
Mudahan kiranya lakas bajudu


Ya Allah Karuang urang babangsa
Hamba nang hina timbanglah rasa
Saumur hidup tiadalah bisa
Mudahan mati takana siksa

Jika umpama pudak wan pandan
Galuh Karuang muda parawan
Ditimang-timang diparmainakan
Dipaluk dicium atas ribaan

Sakit hati bukan sabagai
Urat wan tulang pun rasanya rakai
Bukannya kurang pakai wan kurang makan
Sabab nin maksud baluman sampai

Bayan bapikir di dalam hati
Taganang Karuang muda parlinti
Handak badatang supan sandiri
Lalu mamanggil Sarindit Padi

Aduhai saudaraku Sarindit sungsang
Tuan kupinjam nang ka subarang
Tidakan lama satumat barang
Manukuniakan Galuh Karuang

Aduhai saudaraku Sarindit Padi
Galuh Karuang kiranya sudi
Bawakan rupiah sapuluh bigi
Tanda mangikat tanda nang pasti

Jikalau kakanda ka subarang situ
Tunjukkan kupiah sapuluh buku
Kapada Karuang kasuma ratu
Tandanya mau lawan diaku

Sarindit basigra manyahut kata
Ditanyai saja supaya nyata
Gampang sakali mambuang harta
Kakanda dahulu mandangar pata

Sarindit malayang ka subarang
Mambasuh muha singgah di batang
Lalu naik ka muhara lawang
Sigra ditagur ulih Karuang

Karuang bakata dangan palahan
Duduk ka mari apalah tuan
Dangan Sarindit bahahadapan
Satalah itu manjulung puan

Galuh Karauang manjulung puan
Manginang sirih maambil puan
Sirihnya karing tiada karuan
Katuyung tulang bangkaian

Sarindit manyabut pada sakarang
Jangan bagitu kata pun kakang
Sirihnya hidup lagi bagagang
Gambirnya wangi kapurnya latang

Bakata pula Galuh Karuang
Apakah karja ka mari datang
Adakah gawi kakang bailang
Bulih katakan kakang sakarang

Sigra manyahut Sarindit Padi
Datang ka mari basarah gawi
Bukannya ada nang kita gawi
Bita disuruh Bayan Bastari

Galuh Karuang hatinya hiran
Apakah maksud kakanda Bayan
Datang ka mari basusuruhan
Apakah tuan nang kakurangan

Sarindit manyahut sambil manginang
Bayang manyuruh pada pun kakang
Manakuniakan Galuh Karuang
Kalunya mau bulih badatang

Sarindit sangat pandai bakata
Harum manis mambawa sabda
Lamah limambut barang carita
Karana handak maminta parhamba

Inilah maksud Bayan Bastari
Handak maminta parhambakan diri
Jikalau tuan kiranya sudi
Palaran pakai mambasuh kaki

Inilah maksud Bayan bangsawan
Handak maminta parhambakan
Jikalau sudi adinda tuan
Jangan kiranya salah ambilan

Tuan pikirkan di dalam kalbu
Akan carita baik bagitu
Jikalau sudah kiranya mau
Inilah kupiah sapuluh buku

Bayan bakirim maminta sampaikan
Kapada Karuang muda bangsawan
Jikalau kiranya tuan parkanankan
Tatapi jangan saling gusaran

Karuang barangkat dangan lastari
Sarta bamamai wan mamisuhi
Aku tiada handak balaki
Lawan Bayan nangkaya babi

Karuang bakata bauling-uling
Lalu barangkat sarta manjaling
Baiklah aku mambari kucing
Aku tak sudi balaki maling

Karuang lari tapih disingsing
Katamu itu saparti anjang
Dalasan kusalai wan kugarinting
Tiada paduli manjarah karing

Mangapa Bayan bagitu lasku
Bayan tiada bandinganku
Rupanya jahat nangkaya hantu
Tiadalah patut lawan diaku

Bayan nin jangan kata bagiatu
Bancinya sangat rasanya aku
Rupanya jahat sangat talalu
Patuk mambalit ka bawah dagu

Karuang bakata talalu banci
Jalan Sarindit ikam kambali
Aku tak mau ma-ambil laki
Patuknya kait nangkaya taji

Burung Sarindit talalu malu
Mandangar Karuang kata bagitu
Patuknya Bayan mambalit dagu
Sama nangkaya lawan diaku

Sarindit marasaakan dirinya
Kalawan Bayan sama patuknya
Dibajah Karuang sangat malunya
Mambajah Bayan mambajah dirinya
(Sunarti dkk, 1978:207-213)

SYAIR PAHLAWAN NASIONAL PANGERAN ANTASARI - KARYA SELAMET BAKUMPAI

Syair Gusti Ratu Zaleha - Karya DR. Setya Budhi

Cuplikan 

SYAIR GUSTI RATU ZALEHA 

Karya :  DR. Setya Budhi 

Dengan Bismillah kalam pembuka
Menulis keharibaan yang kuasa
Tiada maksud lagi tiada apa-apa
Menggali diri untuk jalan sempurna

Inilah syair ampunnya negeri
Munajad insan panglipur diri
Berharap rakhmat Rabbul Izzati
Menanti akhir zaman berganti

Tersebutkan di zaman perang
Itu rakyat hidup tiada berlapang
Negeri terjajah bukan kepalang
Menghiris hati tulang belulang

Adalah Gusti Ratu Zaleha
Itulah nama pejuang setia
Berperang dengan sungguh mulia
Mempertahankan duli Tanah Pusaka 

 Alhamdulillah kalam bermula
Mudahan wigas hati sampurna
Maangkat Syair Puteri Banua
Pejuang nan gigih tiada tara

Ratu Zaleha anaklah Sultan
Gusti Mat Seman itu bangaran
Tiada elok tinggal sendirian
berjihad perang jadi panggilan

Muara Laung tampat dilahirkan
Mengikut juriat seperjuangan
Pangeran Antasari nin panambayan
Pejuang gigih tiada berlawan

Muara Laung itulah tempat
Hulu Barito menyusun siasat
Orang Bakumpai keluarga dekat
Hidupnya rukun rakat mufakat

Yaa Rabii Yaa Rasullullah
Belanda di Banua haruslah musnah
Muslihat licik nan memacah belah
Wajib dilawan Fii Sabilillah

Tersebutlah nama Muara Laung
Di Hulu Barito tampat bernaung
Rakyat tenteram tanah bauntung
Mufti dan Sultan selalu disanjung

Muara Laung tempat dilahirkan
Dengan diiringkan kumandang azan
Baiat rakyat dalam perjuangan
Ratu Zaleha bubuhan Pagustian

Ratu Zaleha muda kelana
Pahit dan getir sudah biasa
Tiada sudi malihat Banua
Dijajah Balanda semena-mena

Ayahnda Mat Seman berlaga
Kakeknda Antasari gagah perkasa
Belanda itu musuh yang nyata
Manjajah Banjar tanah Pusaka

   Tersebutlah itu perkara dalam sejarah
Antasari Sultan Banjar Khalifatullah
Gusti Inu Kartapati nama yang sudah
Pangeran Mas 'ud begitulah sang ayah.

Panembahan Amiruddin Khalifatul Mukminin
Gelar Antasari pejuang rakyat jadi pemangkin
Meninggalkan Istana dengan Haqqul Yaqin
Jihad berperang kuatkan lahir dan bathin

Perlawanan Antasari tiada setanding
Walaupun sakit haram berunding
Sampailah hayat tekad melenting
Haram Manyarah Waja Sampai Kaputing.

Adapun Sultan Muhamad Seman ini
Anak daripada Nyai Fatimah laki-laki
Saudara perempuan Tumengung Surapati
Juriat Urang Bakumpai ampunya diri

Daripada Sultan Muhamad Seman
Sebagai penerus Banjar Kesultanan
Putera Bangsawan dipengasingan
Pemimpin bijak menjadi panutan

Sultan bijak Alim Tawwaqal
Gerakan itu Baratib Beramal
Tiada lupa tempat yang kekal
Allah Taala Yang Maha Tunggal

Bismillah Lam Jalallah itu pegangan
Mengusir Kompeni di tanah jajahan
Gugur di Baras Kuning itu tempatan
Menjadi syahid dalam perjuangan

Belanda Christoffel melakukan kepungan
Puncak marah mencari Pangeran Mat Seman
Pasukan perang darat yang berpengalaman
Dikirim dari Acheh ke Hulu Barito Pedalaman

Ratu Zaleha mendengar tembakan
Bedil Senapan berpuluhkali dilakukan
Sultan bersimbah darah peluru pasukan
Wilayah Baras Kuning pun dihancurkan

Manaketika Ratu dalam pukungan
Mananti Ibunda pulang dari hutan
Desingan peluru terus kedengaran
Mohon Allah Taala menyelamatkan

Gusti Ratu Zaleha bergundah hati
Kekenda dan Ayahnda telahpun pergi
Di Bayan Buguk dan Baras Kuning ini
Jihad berjuang membela maruah Negeri

Cupilkan Syair Perang Wangkang

Cuplikan Syair Perang Wangkang

Karya H. Sulaiman - 1871 

Bismillah itu mula dikarang

Anak Melayu orang seberang

Membikin syair perkara perang

Dibikin ingatan kepada orang

Ini syair bukan se(m)barang

Dari hal di dalam perang

Musuh Kompeni kepada Wangkang

Perang di sungai tanah seberang

Alkisah mula kita datang

Dari Amuntai negeri orang

Asal kita pergi (a)kan berdagang

Sampai di sana dipanggil orang

Dengan surat bukan se(m)barang

Bunyinya di dalam sampai terang

Minta1 milir dengan sekarang

Akan bicara kepada Wangkang//

Segera menghadap kita sendiri

Kepada tuan istananya negeri

Kita bicara berperi-peri

Dia membuat serta berdiri

Kita kira ini hari

Haji Sulaiman pikir sendiri

Tuan Besar sudah menca[ha]ri

Boleh ditempo esok hari

Ini hari kita pun kelar2

Menca[ha]ri barang pergi di pasar

(A)kan segala selama dirantau

Boleh segera mendapat kabar

Ta(t)kala bulan enam hari

Pukul sepuluh kita berperi

Hari Selasa namanya hari

Kita datang di muka negeri

Negeri Bagompai tempat berhenti

Banyaklah orang datang berperi

Membawa cerit[er]a hal negeri

Hendak berkelahi dengan Kompeni

Pasal kedua kita di Keruis

Juragan bicara tiada habis

Sampai malam kidak3 ditulis

Oleh karena belum habis

Sampai di Keruis pukul empat

Banyaklah kabar kita mendapat

Pukul lima kita meng(h)adap

Tuan Komandan kita berdapat

Tuan Komandan sudah bicara

Kepada kita orang dua

Di dalam kantor kita bicara

Sebab ada barang rahasia

Rahasia benar kita mendapat

Dari tuan hamba yang dapat

Oleh karena Wangkang berbuat

Menjadi4 rusuh akan didapat//

Perkara ini kita pun heran

Dari Komandan namanya Van Ham

Rupanya baik seperti pahlawan

Bicaranya terang kitapun faham

Haji Sulaiman kita berpikir

Jangan dahulu Haji milir

Apa tuan punya pikir

Hamba turut tiada mungkir

Itulah kita bicara

Kepada Haji orang yang tu[w]a[h]

Dengarlah bicara kita

Apa kerja kita serta

Kita mendengar nasihat Tuan

Di dalam benteng Tuan Komandan

Bicara yang baik kita pahamkan

Dari Komandan Tuan Van Ham

Pukul tujuh kita kembali

Di dalam Keruis Juragan sendiri

Apa bicara berperi-peri

Apa bicara kita mengerti

Di dalam Keruis kita berperi

Tempat di rakit Juragan memberi

Ini malam kita sendiri

Banyaklah orang menca[ha]ri

Perahu kita berhenti di rakit

Yang punya rakit Tuan Pit

Mendapat kabar tiada sakit

Selamat tinggal di dalam rakit

Tuan Pit sudah milir

Me(ng)antar nyonya tiada berpikir

Sebab susah di dalam pikir

Bicara banyak tiada terukir

Hari Arbaa pukul sembilan

Tujuh hari5 timbulnya bulan

Rakitnya kita datanglah Tuan

Berhenti di muka gudang [h]arang//

 Komandan di Katar turun di situ

Sakit Juragan ba[ha]ru tentu

Pukul empat Tuan kembali

Sekoci Keruis hantarkan pergi

Dengan berjalan berperi-peri

Segera(h) jua obat diberi

Hari Sabtu pukul enam

Lihat soldadu turun di sampan

Habis bulan Maret6 pukul sembilan

Milir di Banjar perintah Tuan

Membaca soldadu dua kapal api Bangka

Hendak milir dengan segera[h]

Syair Perang Wangkang - Karya H. Sulaiman ( 1871 )

Ringkasan Isi Syair Perang Wangkang

    Syair ini bercerita tentang peperangan antara Wangkang dengan Kompeni di Borneo (Kalimantan). Kisah dimulai ketika para pedagang Melayu hendak berdagang di Borneo. Sesampainya di sana mereka diminta bantuan oleh Kompeni Belanda untuk melawan Wangkang yang mengacau daerah itu. Pemimpin Kompeni Belanda bernama Van Ham dan pemimpin pedagang Melayu bernama Haji Sulaiman. Kemudian mereka menandatangani perjanjian.

     Suatu hari, pemimpin Wangkang, Haji Demang, mengirimkan surat kepada Komandan untuk meminta pengampunan, tetapi tidak dikabulkan karena Komandan telah mendapatkan serdadu untuk menyerang Wangkang. Itu sebabnya, Wangkang menjadi marah, lalu merampoki desa-desa dan mengacau di kampung-kampung. 

     Wangkang bersembunyi di suatu tempat. Kompeni Belanda mencari-cari Wangkang, tetapi penduduk desa tidak mau memberitahunya. Muhamad Bali, seorang mata-mata, melaporkan keberadaan Wangkang. Saat dicari ke tempat persembunyian, Wangkang sudah tidak ada di tempat. Komandan lalu menyuruh juragan Keruis menjaga hilir lalu masuk ke Badandan.

     Terjadilah pertempuran seru di Simpang Nunggi. Wangkang membakari rumah-rumah penduduk. Karena malam, Kompeni tidak dapat menangkap Wangkang. Setelah kejadian ini, Kompeni menjaga ketat dari sungai Julungan hingga sungai Badandan. Muhamad Bali mengetahui lagi persembunyian Wangkang yang kedua kali, namun ia tidak dapat memberi tahukan Kompeni, karena salah satu saudaranya ada yang ikut dengan Wangkang. Akhirnya, Kompeni mengajak Pembekal Damun diajak bekerja sama oleh Kompeni untuk menangkap Wangkang. Kemudian terjadilah pertempuran dan perebutan benteng Wangkang, dan Kompeni berhasil kali ini.

       Mohamad Saad dari Pontianak menghadap ke kantor, tujuannya ialah hendak ikut Kompeni karena Wangkang telah kalah. Van Ham ingin melihat kuburan Wangkang sendiri, karena ia mendengar Wangkang telah gugur dalam pertempuran kemarin, tetapi kuburan itu tidak ada.

       Pada suatu hari mereka berhasil menangkap orang yang bernama Abdul Rasyid. Ia mengaku pernah ikut perang Wangkang di Banjar. Kompeni menyuruh Abdul Rasyid menjaga hilir sungai. Haji Demang dan penghulu menginginkan Abdul Rasyid turut dengan mereka tetapi tidak dikabulkan oleh Komandan. Akhirnya, raja-raja dan haji-haji sepakat untuk bersama-sama menghadapa Wangkang dan berbalik melawan Belanda Kompeni.

       Pada tahun 1871 terjadilah pertempuran hilir di bawah pimpinan Pembekal Gempa. Dalam pertempuran itu gugurlah dua orang dari pihak Pembekal Gempa. Sore harinya ketika diadakan patrol, mereka berhasil menembak dua orang dan menawan seorang anak buah Wangkang serta dibawa ke benteng. Setelah perang selesai para pedagang melayu itupun memisahkan diri dari kompeni, dan tidak mau bekerja sama melawan Wangkang. Walaupun rakyat Wangkang masih senang mengacaukan kampung.